Euskara ingurune digitalean

Haurrak, gurasoak eta Internet, “10minututan” podcast teknopedagogikoaren atal berrietan

Maite Goñik zuzendu eta Ulu Mediak eta Azkue Fundazioak elkarlanean ekoitzitako 10 minututan podcast teknopedagogikoak beste bi atal argitaratu ditu: Internet oihana: Haurren arauak eta gurasoen papera eta Interneteko ur sakonak: Gurasoen kontrolerako tresnak.

Hala, podcastaren bosgarren atalean, Internet oihana: Haurren arauak eta gurasoen papera, hainbat gomendioa emango ditu Maitek, adingabeak sarean modu egokian ibil daitezen. Interneteko ur sakonak: Gurasoen kontrolerako tresnak atalean berriz, guraso-bitartekaritza bideratzeko aukerez hitz egingo du: estrategia aktiboak eta murriztaileak.

Pedadogia eta teknologia lotzen dituen hariari tiraka azken joerak, aplikazioak eta bestelako edukiak ekarriko ditu Maite Goñik 10 minututan saiora. Labur bezain zehatz azalduko ditu Maitek teknologiaren eta pedagoriaren arteko lotura berritzaileenak.

Wikipediaren arabera, Maite Goñi Eizmendi (Ordizia, Gipuzkoa, 1967) irakaslea da, euskararen sustapenean, teknologiak hezkuntzako ikas-irakas prozesuetan nola txertatu eta konpetentzia digitalaren inguruko gaietan aditua da. Euskararen Aholku Batzordeko kide da hizkuntza-normalizazioaren prozesuan eragina duten arloetako pertsona ezagunen artetik izendatua izan delarik eta bertan IKT Batzorde-atal Bereziko zuzendaria da.

ulu_maite

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkina idatzi nahi baduzu