Euskaraldiko 3. edizioaren dinamizatzailea Enkarterrietan

Deskribapena

Arloa: Euskalgintza / Euskal Kultura

Eskaintzaren deskribapena:

Ekainaren 1etik abenduaren 31ra, jardun erdiz (4 orduz), Enkarterri eskualdean Euskaraldia ekimena dinamizatzeko pertsona baten bila gabiltza. 7 hilabetetarako lan kontratu eskaintzen da, Enkarterri eskualdean Euskaraldia ekimenaren baitako eragiletza lanak bere ardurapekoak izango dira eta honako zereginak izango ditu, besteak beste:

  • Eskualdeko eragileei eta herritarrei Euskaraldia ekimena aurkeztu (elkarteak, enpresak, norbanakoak…) eta prestakuntza eskaini.
  • Euskaraldiko herri batzordeak ahaldundu eta indartzeko ekimenak garatzea eta dinamizatzea.
  • Tokian tokiko komunikazio plangintza bideratu eta ekimenak garatzea.
  • Entitateen lanketa planifikatu eta garatzea.
  • Herritarrak ahobizi/belarriprest dinamikarako aktibatu eta prestatzea.
  • Herritarren eta entitateen izen ematea antolatzea.
  • Balorazioa eta aurrera begirako urratsak adostea herriko euskaltzaleekin.
  • Ekimenaren aurrekontua kudeatzea.
  • Dinamizazioa: Antolatzaileen eta herriko boluntarioen lana koordinatzea. Koordinazio orokorreko mintegi eta bileretan parte hartu eta ekimen orokorreko sustatzaileekin koordinatuta egotea.

 

Baldintzak

Maiatzaren 31a izango da hautagaitzak aurkezteko azken eguna, eta honako baldintzak betetzea eskatuko zaie hautagaiei:

  • Euskara maila egokia izatea (idatziz zein ahoz).
  • Enkarterriak ezagutzea.
  • Euskaltzalea izatea eta euskalgintzaren ezagutza izatea.
  • Jendaurrean eta jendearekin harremanetarako gaitasuna izatea.
  • Eragiletzarako gaitasuna izatea (ekimena herrian zabaldu eta ekimenera jendea erakartzeko abilezia).
  • Kudeaketarako gaitasuna izatea.
  • Komunikazio alorreko ezagutza izatea baloratuko da (sare sozialak, bideoen sorrera, webguneen kudeaketa, diseinua, ofimatika…).
  • Lanerako autonomia maila altua izatea ezinbestekoa da.
  • Ordutegi malgutasuna izatea ezinbestekoa da.
  • Gidabaimena eta autoa.

Laburpena

Lekua: Bizkaia

Enpresa: Euskaltzaleen Topagunea

Lan mota: Jardunaldi laburra

Soldata: Zehaztu gabe

Hautaketa prozesuaren jarraibideak

Curriculumak aurkezteko azken eguna maiatzaren 31a izango da, igandea. Motibazio gutuna
aurkeztea baloratuko da.
Curriculumak eta motibazio gutunak Lansarean atariaren bidez edo jon@topagunea.eus posta elektronikora bidalita aurkez daitezke.