Finalerako gonbidapena eskatu - Egunean Behin
Egunean Behin jokoaren finala egingo dugu datorren abenduaren 14an, 12:00etan, Azpeitian, Sanagustin kulturgunean.
Azken asteetan lehen postuetan sailkatu direnek jaso dute lehen gonbidapena: haiek izena eman ondoren, beste 70 bat lagunentzako tokia dugu orain. Numerus Clausus ezartzea derrigorra da. Jatorri eta sexu aniztasuna bilatzen dugu finalean, horregatik parametro horiei ere begiratuko diegu, izena ematen duzuenon artean tokiak zozketatzeko. Horregatik, halaber, eskatzen dugu izen-deiturak ematea, eta galdetzen dugu generoaz eta herriaz.
Mesedez, begiratu zure agenda, eta bakarrik bete hau 14an Azpeitira etortzeko aukera baduzu. Gogoratu: hau gonbidapen eskaera da. Gure baieztapenaren zain egon, mesedez.