Urtarrilak 4, astelehena, eta urtarrilak 5, asteartea, arratsaldeko 17.00etatik 20.00ak arte haurrentzako tailerrak izango ditugu. Izen ematea bi egunetarako da: haurrek urtarrilaren 4an eta 5ean hartuko dute parte.

Bizi dugun egoera dela eta, talde txikietan antolaturiko tailerrak eskainiko dira.  Horregatik, leku kopurua mugatua izango da. Talde bakoitzarendako tailer sorta bat izango dugu antolatuta.

Hauek izango dira taldeak:

    • 2-3 urte (HH2-HH3)
    • 4-5 urte (HH4-HH5)
    • 6-8 urte (LH1-LH2-LH3)
    • 9-11 urte (LH4-LH5-LH6)

Segurtasun neurri guztiak bermatuko dira:

    • Musukoaren erabilera ezinbestekoa izango da.
    • Talde bakoitzean erabiliko den materiala sarreran banatuko zaio parte hartzaile bakoitzari eta ez da materiala elkarbanatuko.
    • Izen ematearen arabera, espazio ezberdinetan banatuko dira taldeak. (frontoian eta gimnasialekuan)

Parte-hartzeko izen emate galdetegia bete behar da. Adin tarte bakoitzerako leku kopurua mugatua denez, izen emate ordenaren arabera gordeko dira sarrerak.