SORTERRIKO KOPLAK
(J.Sarrionaindia/M.Laboa)
Oihaneko pagoak blai
Aideratuz hiru elai.
Ostadarraren harian dira
Hirurak pausatu nahi. (Bis)
Larrosak dira gorriak
Edo bestelan xuriak.
Hagitzez ederragoak dira
Neskatilaren irriak. (Bis)
Maldan behera urratsa
Betiko bidean latsa.
Hodei ilunak gaua belzten du
Udazkena da ez bedatsa. (Bis)
Usapalak ostantzean
Huts bat badut bihotzean.
Zatoz maitea gure etxera
Dostatzera arratsean. (Bis)
Eder basoan haritza
Haran aldean garitza.
Fruitu antzera ontzen da hemen
Gizasemeen bizitza. (Bis)
Sagar gorriak dilindan
Damea dago ganbaran
Maite laztanez hartzeko eta
Elkartzeko ohantzean. (Bis)
Iluntasuna abailtzen da
Luma galdu bat bezala
Begiak uso, mingaina arana
Zure bihotza ene aingura. (Bis)
Urrun gau hontzak uluka
Zakur deslaiak zaunkaka.
Mende oso bat iraganen dut
Zure ondoan koblaka. (Bis)
WAFA
(Hitzak: Koldo Izagirre-Musika: Joseba Tapia) Tapia eta Leturia
Oliba mikatza izanda
Nahi zenuke gozoan
Gozotasun horregatik
Maite zaitut osoan
Kufiya lepoan
Horra zein gazte doan
Wafa! Wafa! Wafa! Wafa!
Sua bihotzondoan
Kufiya lepoan
Horra zein heldu doan
Wafa! Wafa! Wafa! Wafa!
Sua bihotzondoan
Pikondo errea izanda
Nahi zenuke hostoan
Hostotasun horregatik
Maite zaitut osoan
Kufiya lepoan
Horra zein astun doan
Wafa! Wafa! Wafa! Wafa!
Sua bihotzondoan
Kufiya lepoan
Horra zein arin doan
Wafa! Wafa! Wafa! Wafa!
Sua bihotzondoan
Mahasti zapaldua izanda
Nahi zenuke mulkoan
Harrotasun horregatik
Maite zaitut osoan
Kufiya lepoan
Horra zein apal doan
Wafa! Wafa! Wafa! Wafa!
Sua bihotzondoan
Kufiya lepoan
Horra zein harro doan
Wafa! Wafa! Wafa! Wafa!
Sua bihotzondoan.
Etxe apurtua izanda
Zutik zaude ukoan
Osotasun horregatik
Maite zaitut osoan
Kufiya lepoan
Horra zein lerden doan
Palestina! Palestina!
Sua bihotzondoan.
Kantuz naramala
Hautsia du hegala
Palestina! Palestina!
Erdiminez Ramallah.
ZEINEN EDERRA IZANGO DEN
Zetak
Zeinen ederra izango den
Eguzki izpiak zure itzala belarretan marrazten
Muxu bat Larrunen
Garagardo bat zerura eroritakoen omenez
Herri txikietako festetan
Esnatuko bagina bihar
Dantzatuko genuke plazetan
Sekula-santan ez bezala
Eta kantu bakoitzean
Utziko genuke eztarria
Azkenengoa bailitzan
Edota denetan lehenengoa
Gu zorionekoak
Gordetako ametsen kutxa irekiak
Zeinen ederra izango den...
Ilobak amona ezagutzean
Haritz bat jaioko da Urbasan
Urteekin ohartuko gara
Betirako biziko zela
Lagun minekin ilunabarra
Eternala bihurtuko da
Xuxurlatuko digu ilargiak
Oraindik denok ez gaudela
Gu zorionekoak
Gordetako ametsen kutxa irekiak
Zeinen ederra izango den...
Zeinen ederra izango den…
HERRIA ETA HIZKUNTZA
(Xalbador / Mikel Laboa)
Iragan egun batez, ostatu batean
bi lagun ari ziren ez ta ba betean;
biak ziren euskaldun zintzoak ustean,
hala ere ezin adi elgarren artean;
entzuten egona naiz omore tristean.
Ez dut osorik hartu baten parabola,
erderaz mintza baitzen, berak jakin nola:
gure herri maiteaz zuela axola,
hau, bere gain baharra, bertzen men dagola,
"Gora euskal-herria", frantsesez ziola.
Bertzea oldartu zen euskera garbian:
"Gure hizkuntza ez da galduko agian!
Hori dugu berexik guk Euskal-herrian,
Gainerakotan gaude bertzen negurrian;
frantses eginak gira joan den aspaldian!"
Bi gizon horietan, zugaitz onekoa
batek ondoan zuen, bertzeak ostoa;
gauza arrado hori ez dut gustokoa,
mendian bizi arren, dut ikustekoa
gaztainaren aldaxkez jantzirik pagoa.
Bat herria goratzen arrotz baten gisa,
arrotz nahiak berriz herriaren hitza;
gureak ja egin du, gaiten garbi mintza,
lano pean bezala galduak gabiltza,
ez daizke bi nagusi batean zerbitza!
Elgarri direlakotz bi gizon jazarri,
gauza bat bera dute bi pusketan zarri;
erakatxi nahi tut nik puskak elgarri,
gure hizkuntza eta gure Euskal-herri
Konparatzen baitut izaite bateri.
Anai-arrebak, entzun ene aho-otsa:
izaite bat ez daike hezur hutsez osa;
herria da gorputza, hizkuntza bihotza;
bertzetik berextean bitarik bakotxa,
izaite horrendako segurra hil hotza.
MENDIAN GORA
(X.Amuriza/Imanol)
Mendian gora haritza
Ahuntzak haitzetan dabiltza
Itsasoaren arimak dakar
Ur gainean bitsa
Kantatu nahi dut bizitza
Usteltzen ez bazait hitza
Mundua dantzan jarriko nuke
Jainkoa banintza
Euskal Herriko tristura
Soineko beltzen joskura
Txori negartiz bete da eta
Umorez hustu da
Emaidazue freskura
Ura eskutik eskura
Izarren salda urdina edanda
Bizi naiz gustora
Euskal Herriko poeta
Kanposantuko tronpeta
Hil kanpaiari tiraka eta
Hutsari kolpeka
Argitu ezak kopeta
penak heuretzat gordeta
Goizero sortuz bizitza ere
Hortxe zegok eta
Mundua ez da beti jai
Inoiz tristea ere bai
Baina ba dira mila motibo
Kantatzeko alai
Bestela datozen penai
Ez diet surik bota nahi
Ni hiltzen naizen gauean behintzat
Egizue lo lasai
ZALDIEKIN GOAZ MENDIRA
(Portabales / Amurua)
Bide luzea egin ta gero
Kostaldetikan mendira
Nafarroako herriaetatik
Kantuak zabaldu dira
Kubatarrak ez gara
Bai mendiko euskaldunak
Baina gure nortasuna
Guztiz guajiroa da
Zaldiekin goaz mendira…
Guajiro jaio nintzen
Ta oraindik naiz guajiro
Jaio ezkero berriro
Berdin egingo nuen
Zaldiekin goaz mendira…
Guajiro izatea
Ez da aukera erreza
Gure kanta ez da kexa
Baizik dantzan hastea
Zaldiekin goaz mendira…
Bizi poza da gure
Eguneroko kontua
Mendiak eta kantuak
Ematen digutena
Zaldiekin goaz mendira…
BIZITZAREN ALDE ARGITSUA
(Monty Python/Edorta Amurua)
Bizitzak duenez / Hainbat gauza aldrebes
Sarri galtzen dugu pazientzia
Zaudenean larri / Has zaitez kantari
Poztuko da zure kontzientzia
Eta... BILATU BETI ALDE ARGITSUA
BIZITZAREN ALDE ARGITSUA
Batzuetan da bizitza / Ustela eta bortitza
Baina ezin da galdu irria
Tristezia utzi / Irrifarra jantzi
Ospatu ozen udaberria
Eta... BILATU BETI ALDE ARGITSUA
BIZITZAREN ALDE ARGITSUA
Bizitza hau noizbait / Bukatuko bazaik
Hartu behar bezala, laguna
Eta hilko garenez / Ez galdu, mesedez
Irri egiteko gaitasuna
Eta... BILATU BETI ALDE ARGITSUA
HERIOTZAREN ALDE ARGITSUA
Jarrita pentsaka / Bizitza da kaka
Hori beti izan da horrela
Baina gogoratu / Kaka baliatuz
Ongarria egin daitekeela
Eta... BILATU BETI ALDE ARGITSUA
BIZITZAREN ALDE ARGITSUA
Gure osasuna / Edo maitasuna
Aitzakiak dira sufritzeko
Minez zaudelarik / Ez galdu aukerarik
Bizitzari adarrak jartzeko
Eta... BILATU BETI ALDE ARGITSUA
BIZITZAREN ALDE ARGITSUA
AGURE ZAHARRA
(Ll.Llach/X. Lete)
Agure zahar batek zion bere etxe aurrean
Goizean goiz lantokira irteten nintzanean
Ez al dek gazte ikusten gure hesola zein dan
Desegiten ez badugo bertan galduko gera
Baina guztiok batera saiatu hura botatzera
Usteltzen hasia dago ta laister eroriko da
Hik bultza gogor hortikan ta bultza nik hemendikan
Ikusiko dek nola nola laister eroriko dan
Bainan denbora ba doa, nekea zaigu hasi
Eskuak zartatu zaizkit eta indarrak utzi
Usteltzen ba dago ere karga ba du oraindik
Berriz arnasa hartzeko esaigun elkarrekin
Baina guztiok batera saiatu hura botatzera
Usteltzen hasia dago ta laister eroriko da
Hik bultza gogor hortikan ta bultza nik hemendikan
Ikusiko dek nola nola laister eroriko dan
Agure zaharra falta da gure etxe ondotik
Haize txar batek hartu ta eraman du hemendik
Haur batzuk ikusten ditut eta inguraturik
Aitona zaharraren kanta nahi diet erakutsi
Baina guztiok batera saiatu hura botatzera
Usteltzen hasia dago ta laister eroriko da
Hik bultza gogor hortikan ta bultza nik hemendikan
Ikusiko dek nola nola laister eroriko dan
ABSTINENTZIA
Xabier eta Piter (A. Egaña)
Hau da desastrea! Ez al da tristea?
Tentazioz betea dago mundua!
Ta nola gaztea berez den trastea
Komeni zaio hau ikastea
Zurrutean hasten baldin badira
Burua galdu/Zorrak ugaldu
Lasai geratzeko bide bakarra:
ABSTINENTZIA!
Drogarekin hasten badira
Erdi tonto/Txika y tanto!
Lasai geratzeko modu bakarra:
ABSTINENTZIA!
Larru jotzen hasten baldin badira
Arriskutan/Sidan eskutan
Lasai geratzeko modu bakarra:
ABSTINENTZIA!
Mahonesa jaten baldin badute
Salmonella/Omen dutela
Lasai geratzeko bide bakarra:
ABSTINENTZIA!
MAITASUNEZ HIL
( X.Lete/A.Valverde)
Hamairu urte nituanian oraindik galtza motxetan
Bere atzetik ibiltzen nintzen herriko kale hotzetan
Printzesa hura behar bezala kortejatzeko lotsetan
Bere etxera lagundu nahirik eskolatik arratsetan
Oh, ez, esaten zuen, oraindik ez, gaztetxo naiz
Oh ez, inolaz ez ; etxera joan behar dut garaiz
Hemezortzira ailegatuta romantizismoz beterik
Etzan posible eromen hura bazter batera uzterik
Aingeru harek ez zidan sortzen sufrimentua besterik
Sekula ere ez nuen lortu bi besoetan hartzerik
Oh, ez, esaten zidan, maitemintzeko gaztea naiz
Oh, ez, inolaz ez, lotsa ematen dit ta ez dut nahi
Lotsaren lotsez pasa ta gero dozenerdi bat eskutik
Pentsatu zuen komeni zela sartzea bide hestutik
Eta nik nola oraindik ere jarraitzen nuen gertutik
Ezkondutzia eskatu nion ez ba zitzaion importik
Oh, ez, erantzun zidan, aspertzen nauzu, zoaz apaiz
Oh, ez, inolaz ez, beste batekin ezkontzen naiz
Festa batean ikusi nuen handik zortzi bat urtera
Ta hotz hotzean ausartu nintzen sagar helduen hartzera
Irrifar doble makur batekin izkutatu zen atzera
Ez zen ausartzen bere zezena adarrez adornatzera
Oh, ez, ez da posible, horrelakorik ez nuke nahi
Oh, ez, inolaz ez, ni etxekoandre jator bat naiz
Mutilzahartuta bizi nintzela laugarren pisu batian
Behin ustekabe topatu nuen gure etxeko atian
Bere onenak gastatutako alarguna zen artian
Eta honela erantzun zidan oraingoz bion kaltian :
Oh, ez, orain ia ez, nahiz eta zutaz pentsatu maiz
Oh, ez, inolaz ez ; oheratzeko zahartu naiz
EUSKAL ROCK AND ROLL
Niko Etxart
Izan gira Euskal Herrin rock&rollin
Gaüa heldü denin
adiskidiekin
juiten g(ar)ela bestaka...
Izan gira Euskal Herrin rock&rollin
Bal-en urhentzin
ene maitea
eneki jin zite "au coucou des bois"
Izan gira Euskal Herrin rock&rollin
Zü eta ni
biak goxoki.
dantzan dantzan rock&rolling
Izan gira Euskal Herrin rock&rollin
EGUNERO
Hertzainak
Every day things are getting worse.
Every day things are getting worse.
Time so hard, yeah, la la la, oh oh
Time so hard, yeah, la la la, oh oh
Egunero dena okerrago
Egunero dena okerrago.
Merkatura eraman zintudan
Eta denok parre ene txakurrari
Ez dago kerik surik gabe, badakizu
Altxa behar da burua.
Egunero dena okerrago
Egunero dena okerrago
Sasoi latzak, yeah, lalala, oh oh lord!
Sasoi latzak, yeah, lalala, oh oh lord!
Merkatura eraman zintudan
Eta denok parre ene txakurrari
Ez dago kerik surik gabe, badakizu
Altxa behar da burua.
Egunero dena okerrago
Egunero dena okerrago
MARILYN
Itoiz (J.C. Perez)
Atzo gabaz irten nintzen
Ta ikusi ez neonezko argirik
Ameriketatik etorri zen
Artzai haren baserrin
OH,MARILYN,MARILYN,
ARROSA ETA KLABELIN
XIMELDU DA HIRE OROIMENA...
Artzainaren mirespena
Debozioa bihurtu zen
Marilynen ezpain luzeekin
Irudi haundi bat
Zintzilikatu zuen
OH,MARILYN,MARILYN,
ARROSA ETA KLABELIN
XIMELDU DA HIRE OROIMENA...
Ze festa eder ziren
Sagardoa eta jazzmana
Trikitixa, rock’n rolla eta
Latino latino ere....
OH,MARILYN,MARILYN,
ARROSA ETA KLABELIN
XIMELDU DA HIRE OROIMENA...
KANTUZ
Anje Duhalde
Kantuz daramazkit nik gauak,
kantuarekin,
goxatzen neure penak.
Kantuz kanpotik, negarrez barrutik,
kantuarekin,
ahazten ditut grinak nik.
Kantuz deramat bizia,
ahazteko hiltzia.
Neuretzat kantuan dago
fortuna guzia.
Eta kantuz, kantuz,
noa botatuz, neure hazia.
Batzutan triste, besteetan hasarre,
zuen aurrean,
kantatzea dut lege.
Nahiz gogorik ez izan,
zuen aurrean,
sartu behar dut dantzan.
Kantuz deramat bizia,
ahazteko hiltzia.
Neuretzat kantuan dago
fortuna guzia.
Eta kantuz kantuz,
noa botatuz, neure hazia.
Kantuz daramazkit nik gauak…
ZUREKIN BATERA
E.T.S. (En Tol Sarmiento)
Zenbat aldiz marraztuko nuke zure besoetan etorkizuna
Zenbat aldiz aurkituko nuke zure usainaren oroitzapena
Zenbat aldiz itxarongo nuke aurrez aurre egoteko hitzordua
Egunak hobeak baitira zurekin batera
Zenbat aldiz emango nizuke kafe bat hartzeko dudan denbora
Zenbat aldiz asmatuko nuke zurekin egoteko aitzaki bat
Zenbat aldiz entzungo nituzke zure ahotik gure istorioak
Egunak hobeak baitira zurekin batera
Ta elkartuko gara berriro, gure betiko lekuetan
Zabalduko ditugu besoak, besarkatuz gure arimak
Ta amestuko dugu gauean, oraindik gelditzen zaiguna
Egunak hobeak baitira zurekin batera, zurekin batera
Zenbat aldiz ospatuko nuke behar dudanean zu hor zaudela
Zenbat aldiz ulertuko nuke zure begiradetan aholku bat
Zenbat aldiz esango nizuke besterik gabe maite zaitudala
Egunak hobeak baitira zurekin batera
Ta elkartuko gara berriro, gure betiko lekuetan
Zabalduko ditugu besoak, besarkatuz gure arimak
Ta amestuko dugu gauean, oraindik gelditzen zaiguna
Egunak hobeak baitira zurekin batera, zurekin batera
SARRI, SARRI
Kortatu
Ez dakit zer pasatzen den azken aldi hontan
jendea hasi dela dantzatzen sarritan
zerbait ikustekoa du bi falta direlakoz
«Recuento generalean».
Sarri, Sarri, Sarri, Sarri, Sarri, Sarri,
Sarri, Sarri, Sarri, Sarri, Sarri askatu,
Sarri, Sarri, Sarri, Sarri, Sarri, Sarri, biba zu.
Irratikoak han ziren emititzen zuzenean
paella jango zutela
eta Piti eta Sarri bere muturretan
saltsan zeudela kontuatu gabeak.
Sarri, Sarri, Sarri, Sarri, Sarri, Sarri…
Zaila dugu sortzea doinu gozoagorik
Sarri dio herriak txanpainaz ospaturik
Iruñeko entzierroa desentzierroa hemen
zapi gorriak zerua du estaltzen.
Ez dakit zer pasatzen den azken aldi hontan
jendea hasi dela dantzatzen sarritan
zerbait ikustekoa du bi falta direlakoz
«Recuento generalean».
Sarri, Sarri, Sarri...
Sarri, Sarri, Sarri, Sarri, bi badoaz,
Sarri, Sarri, Sarri, Sarri, hanka kalera
Sarri, Sarri, Sarri, Sarri, bafleetatik...
kriston martxa dabil!
ITSASOA GARA
(Jon Maia/Ken Zazpi)
Begiratu atzean ortzimugak sutan
gure begiek zerutan
begiratu maitea amildegi ertza
biziak hila ametsa
ez bilatu gauean izar hura
zure begitan piztuta
Ta ez galdetu inoiz zer galdu genuen
negar egin genuenean
malko haiei esker
orain itsasoa gara, orain itsasoa gara!
Orain hemen gaudela, bidegurutzean
utz ditzagun beldurrak atzean
ez gara izan onenak, beharbada
baina gure bizitza izan da
mendeetako kanta erditu da
gure ordua heldu da
Ta ez galdetu inoiz zer galdu genuen
negar egin genuenean
malko haiei esker
orain itsasoa gara, orain itsasoa gara!
Ta ez galdetu inoiz zer galdu genuen
gure ametsaren bidean
izan garelako
oraindik ere ba gara,
ta beti izango gara!
Ta ez galdetu inoiz zer galdu genuen…
BESAMOTZA
(Hitzak: Jakoba Errekondo / Doinua: J. Tapia)
Etxean ikasiak ez zaizkidak berehalakoan aztuko
badakik: nahi ta ezin.
Okerra ¡zan eta zuzentzen gaitza
Lagun loratuak amets
eta zigarro kiratsa / ez badu
kirol-izerdiduna inguruan.
Maitia h¡ haiz nere besamotza
ene maitemin larrien truke
begirada miopearen moztasuna besterik
eskatzen ez duena.
Txepelaren hego haize ergelak eta
Zintzoegi / honen ¡par-horratzak
autsi dizkik dabenerako hire ezak.
Maitia, hi bai haiz nere besamotza.
Hire ezker faltak probokatzen nau,
ene buruaz hi egiten nau.
Maitia h¡ haiz nere besamotza
ene maitemin larrien truke
begirada miopearen moztasuna besterik
eskatzen ez duena.
Ene buruaz hi bai, halajainena
Ni, alu gozoasko, / bakar, haitza.
Hire bizi-miñetako penditz, malkorretan
kupida gabe, jausi nauk gordina,
eta,.. larrua bizirik hemen naukak,
maitia, besamotz maitia.
Maitia h¡ haiz nere besamotza
ene maitemin larrien truke
begirada miopearen moztasuna besterik
eskatzen ez duena.
FURRA, FURRA
Oskorri
Gaur goizean jaiki naiz suerte onean
Tanke bat topatu dut neure kafesnean.
Ez dakit zer daukagun bakea ala gerra
Baina nik badaezpadan egin dut puzkerra.
Furra, furra fandangua,
Hortxe duzu fandangua geure gustukua.
Neure arma bakarra dut akordeoia
Hauspoari eraginez dirudi lehoia.
Eskua jaten badit on egin dezaion
Cervantesi holakorik gertatu zitzaion.
Furra, furra...
Zerbait egitekoan zuzen eta artez
Zorri bat garbitu dut ur-pistola batez.
Orain galdurik nago beldurrez beteta
Muniziorik gabe gelditu naiz eta.
Furra, furra...
Eta orain banoa berriro ohera
Bila ez badatoztik lolo egitera.
Bihar ikusiko da zer dagoen berri
Jakintsuenak ere ezin du igerri.
Furra, furra...
ASKE MAITTE
Gatibu
Suziri bi baño ez gara gu
bata bestien aurrien.
Melodi bat entzuten da urrunien
hurbiltzen zara esanez:
gaba deike dekogu
ta bere sekretuek
gu bixontzat dire ie, ie, ie
gabien, gabien.
Suaren inguruen
gorputz bi bat eginda
bata bestearena
ze polittek garen
dantzan biluzik
ta izerrak.
Burue bero
begixek gorri
zu eta ni
gau txori bi
ez dago katerik.
Nahi dogunien
nahi dogulako
aske maitte
aske bizi
bizitza zoro hau.
A ze gozoa zaren
izerditan
ur gazi zaporie.
Eta ze ondo nagoen
izerran ganien
zugaz kantetan dodanien,
gabien, gabien.
Suaren inguruen
ixil-ixilik gaba,
itzal bi ikusten dire
Venuserako txartela
elkarregaz hartunde.
Burue bero
begixek gorri
zu eta ni
gau txori bi
ez dago katerik.
Nahi dogunien
nahi dogulako
aske maitte
aske bizi
bizitza zoro hau.
zu eta ni
gau txori bi
ez dago katerik.
aske maitte
aske bizi
aske bizi…