Zenbat ospitale manten liteke euskal piezak dituen Eurofighter hegazkinetan xahutzen duten diruarekin?

  • Euskal Herrian ekoitzitako piezak dituen Eurofighter guda hegazkinetan Espainiako Estatuak gastatuko duen diruarekin 25 ospitale manten daitezke. 2019an mundu osoan 1,92 bilioi dolar gastatu zituen estatuek armagintzan, aurreko urtean baino 95.000 milioi dolar gehiago. Gastuak laugarren urtez egin du gora, eta azken hamarkadako handiena da iazkoa. Delàs eta Bureau bakearen ikerketa zentroek nabarmendu dutenez, "militarizazioa hazten ari da modu kezkagarrian, osasun, klima eta gizarte larrialdian gauden honetan". Gastu militarrak murriztu, armagintzan gehiago ez inbertitu eta diru hori lehenbailehen osasun inbertsiora bideratzea eskatu dute bi ikerketa zentro hauek.


2020ko apirilaren 28an - 06:26

Delàs eta Bureau bakearen ikerketa zentroek adierazi dute “oso eraginkorra izan dela NATO bezalako erakunde militarrek egin duten presioa, aurrekontu militarrak handitzeko”. NATOko estatuek elkarrekin 1,03 bilioi dolar gastatzen dute armagintzan, mundu osoko gastu militarraren %54.

Munduko gastu militarraren ia bi herenak bost herrialde hauek egiten dute: AEB, Txina, India, Errusia eta Saudi Arabia.

Espainiako armagintzaren hurrengo gastuak, Euskal Herriko enpresen pagotxa
PSOEren gobernuak armamenturako zazpi “programa berezi” onartu ditu 2018tik. Guztien artean 13.000 milioi euro gastatuko du armagintzan. Hain justu, egingo diren makina hiltzaile horiek ekoizten Euskal Herriko enpresak aritzen dira: Eurofighter hegazkina, bost F-100 Fragata, 348 VCR erasorako ibilgailu eta 23 helikoptero NH-90.

Osasun krisia militarizatzeko baliatu du estatuak
Delàs zentruak salatu du “osasun krisi honi eman zaion erantzun militarizatua eta horrek ekartzen duen kostua. Zibilekin kudeatu zitekeen egoera, armada horretan aritzea baliabideak xahutzea da. Birusaren aurka egiteko ez dugu jende armatua behar, behar duguna osasun sistema indartsua da”. Gaineratu dutenez, “gastu militarra ikaragarri gutxitzeko garaia da, diru horrekin benetan munduarentzako mehatxu diren gauzei aurre egiteko politikak finantza daitezen”. 

Erreportaje honetan irakur dezakegu zehazki Euskal Herrian lantokia duten zein enpresek ekoizten duen makina hilgarri hauetako bakoitza.

 


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude