Eusko Jaurlaritzako Segurtasun Sailak hainbat iturriri jakinarazi dienez, igande goizaldean sexu eraso bat izan zen Barakaldon (Bizkaia). Igandean bertan salatu zuten, eta Ertzaintza gertatutakoa ikertzen ari da. Hainbat pertsonari deklarazioa hartu die.
El Correo egunkariaren arabera, diskoteka batean izan zen erasoa: emakumea lagun batekin joan zen, baina ez du gogoratzen gero zer gertatu zen. Egunkari horrek argitaratu duenez, gazte batzuek etxe bateko ezkaratzean aurkitu zuen, noraezean, minez eta genitaletan odola zuela.
