Aholku teknologikoak

Instagramek nerabeen eta helduen arteko mezuak mugatu ditu

Instagramek hainbat hobekuntza egin ditu erabiltzaile gazteak babesteko; alegia, haiekiko asmo txarrak dituzten helduekin sor daitezkeen harremanak murrizteko. Duela urtebete baino gehixeago, sare sozialak Gurasoentzako gida batzuk kaleratu zituen konpainiak, seme-alaben segurtasuna bermatzeko nola jokatu behar zuten azaltzeko.

 Orain, Instagramek bestelako hobekuntza hauek egin ditu:

Nerabeen eta helduen arteko zuzeneko mezuak murriztuko ditu:

Instagramek saihestu nahi du plataformako erabiltzaile gazteenek jarraitzen ez dituzten helduengandik proposamen desatseginak dituzten mezuak jasotzea.

Hori dela eta, Instagramek funtzio berri bat jarri du martxan, eta, horri esker, helduek ezin dizkiete mezuak bidali jarraitzen ez dituzten 18 urtetik beherakoei. Hori egiten saiatuz gero, jakinarazpen bat agertuko zaie adierazteko ezin dutela mezu hori bidali.

Erabiltzailearen adina zehazteko, Instagramen erregistratzean adierazten den adina kontuan hartzeaz gain, sare sozialak adierazi du ikaskuntza automatikoko teknologia (machine learning) erabiliko duela erabiltzailearen adina zehazteko.

Helduek nerabeak aurkitzea eta jarraitzea zailduko du:

 Konpainiak adierazi duenez, susmagarria izan daitekeen portaera izan duten helduek nerabeekin elkarreraginean jardun ahal izatea nola oztopatu aztertzen hasiko da.

Besteak beste, Instagramen asmoa da nerabeen kontuak “Iradokitako erabiltzaileak” atalean ez erakustea edo erabiltzaile gazteen edukiak Reels-en edo “Arakatu” fitxan ez aurkitzea.

Nerabeen argitalpenetan iruzkinak automatikoki ezkutatzea ere aztertzen ari da. Oraingoz ez da horrelako neurririk hartu, baina hurrengo asteetan horretan arituko dira.

Nerabeak kontu pribatuak egitera bultzatuko ditu:

 Instagramek beste urrats bat egin du sare sozialean izena emateko orduan: 18 urtetik beherakoei kontu publikoa edo pribatua aukeratzeko aukera ematen die, kontu pribatua egin dezaten animatuz eta horrek zer esan nahi duen jakinaraziz.

TikTokek, urte hasieran, nerabeen kontu guztiak pribatu bihurtu ditu lehenespenez. Instagramek ez du lehenespenez egiten, baina abisatu egiten du, bai eta aukera pribatua aholkatu ere.

Pertsonen benetako adina ezagutzeko hobekuntzak egingo ditu:

 Instagramen erregistratzean, erabiltzaile askok gezurra esaten dute jaiotegunaren eremuan (14 urte izan behar dira plataforma erabili ahal izateko). Instagramek jakinarazi du ikaskuntza automatikoan oinarritutako teknologia berriak garatzen ari dela, gezur horiek detektatu eta nerabeen segurtasuna babesteko.

 

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkin bat

Iruzkina idatzi nahi baduzu