Jalgi! Voz Festival ahots-musikari eskeinitako jaialdia da, musika bilakatu den hitzaren adierazpen aukera amaigabeak protagonista dituena. 8 kontzertu berritzaile, heterogeneo eta diziplinarteko proposatzen ditu, musika klasikoaren eta lirikaren kontzeptua (berr)aurkitzeko.
Oihanederren musika lirikoari ekainaren 6an eskainiko diogu bere lekutxoa: Miren Urbieta sopranoa eta Amaia Zipitria piano jotzaile bikoteak "Euskal hitzetatik soinu unibertsalerantz" ikuskizuna eskainiko digute.
Ikuskizun honetan, Miren Urbieta-Vegak eta Amaia Zipitriak XX. mendearen hasiera arteko euskarazko konposizio liriko esanguratsuenak eskainiko dituzte kontzertuaren lehen zatian. Sorozabal edo Guridi bezalako konposagilee lanak entzun ahal izango dira; bi artista hauek Europako korronte estetiko handien eragin garrantzitsuak irudikatu izan nahi zituzten aurkeztuko diren lanekin.
Kontzertuaren bigarren zatian, egungo musikagileen piezak (Anton García-Abril, Manuel García-Morante, Paco Ibañez...) interpretatuko dituzte, poeta garaikideen testuekin (Aretxe, Atxaga, Sarrionandia...).
Garrantzitsua da euskal lurraldetik kanpo mundu osoan ezagunak diren konposagileek euskarak dituen sonoritate eta berezitasunarekiko interesa agertu izana eta euskarazko konposizioen aldeko apustua egin izana. Bestalde, euskal konpositoreen kasuan, lengoaia berezi eta lokala hauteman ahal izango da, dagoeneko hizkuntza propioa hitz egiten duen tokiko konpositoreen eskola sendotzen ari dela adierazten duena.