Langileen eskariaren aurka, CAFek tranbia egingo du Jerusalemen
CAF eta Saphir enpresa israeldarrak osatutako partzuergoari esleitu dizkiote Jerusalemgo tranbiaren lanak. CAFeko langileen komiteak obra egiteko eskaririk lez egiteko eskatu zion zuzendaritzari, tranbia palestinarrei desjabetutako lur okupatuetan eraikiko delako. 1.800 milioitik gorako aurrekontua du kontratuak.
CAF gipuzkoarra eta Saphir israeldarra izan dira lehia publikoa irabazi duten enpresak, partzuergoan bat eginik. Asmoa Jerusalemgo tranbiaren Linea Gorria 6,8 kilometro luzatzea eta Linea Berde berria eraikitzea da. Azken horrek 20,6 kilometroko luzera izango du. Hitzarmenak lan eta zeregin asko barnebiltzen du. Linea Berderako 114 tranbia eraiki behar dira eta Gorriaren 46 birgaitu. Mantentze lanak, seinaleztapena, edo komunikazio sistemen hornikuntza ere partzuergoaren ardura izango dira.
Lehendabiziko lanak aurten hasiko dira. Linea berdea 2025erako amaituta egotea da helburua, baina hitzarmenak denbora epe luzeagoa hartzen du, kasuan kasu. Mantentze lanen ardura, esaterako 25 urtez izango du kontsortzioak.
CAFek prentsa ohar batean jakinarazi ditu kontratuaren nondik norakoak. Orotara 1.800 milioi eurotako hitzarmena sinatu dutela azaldu du. Bi lineak amaitzean Jerusalemek "trenbide sare erosoagoa eta eragingarriagoa izango du", kooperatibaren irudiko. "Bere biztanle guztien" garraiorako.
Langileak, aurka
Urtarrilean LAB, ELA, CCOO eta ESK sindikatuek osatzen duten enpresa komiteak aho batez eskatu zion enpresaren zuzendaritzari Jerusalemgo tranbiaren lanen lehiara ez aurkezteko. Besteren artean, trenbide sarea palestinarrei desjabetutako lur okupatuetan eraikiko delako, eta kolono israeldarrek soilik izango dutelako garraioa erabiltzeko eskubidea.
"Ez dugu nazioarteko legezkotasunaren aurka doazen lanetan parte hartu beharrik", adierazi zuten langileek. "Ez dugu ulertzen nazioarteko legezkotasunaren, etikaren eta elkartasunaren aurkako lanak zer alderdi positibo eskain diezaiokeen CAF-i", adierazi zuen enpresako langileen artean gehiengoa duen LAB sindikatuak.
Palestina Askatzeko Erakundeak publikoki eskertu zuen CAFeko langileen jarrera. Gutuna helarazi zien langileei zuzenean antolakundeko antolakuntza idazkari nagusi Saeb Erekat-ek: "Zuen ekintza eta ahalegina eredu da langile europar askorentzat”.
.jpg)
Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.