Urriaren 4an izan zen erasoa, EHUren Ibaetako campuseko Arrakala emakume taldeak eta UIBk azaldu dutenez. Ikasleei zakila «bortizki» erakutsi ziela esan dute, eta gaineratu dute ez dela lehen aldia irakasle horrek ikasleei antzeko erasoak egiten dizkiena. Salatu dute erasotzaileak klaseak «normaltasun osoz» ematen jarraitzen duela. «Unibertsitateko langile sektorearen aurka egiten diren erasoak salatzeko beharrean gaude», gehitu dute.
Eldiario.es atariak jakinarazi duenez, unibertsitateak barkamena eskatu diela erasoaren biktimei eta haien senideei, eta irakasle horri espediente informatibo bat ireki diola gertatutakoa ikertzeko.
«Gertakaria ez dugu lehenago salatu EHUk informaziorik eman ez duelako horren inguruan. Unibertsitatearen irudia ez zikintzearren, ezkutatu egin dute larritasun handiko eraso hau», jakinarazi dute sareetan zabaldu duten bideo batean. «EHUren organoen eta bere berdintasun politiken itxurakeria» ere salatu nahi izan dute.
Elkarretaratzera deitu dute astelehenerako: 14:30ean izango da, Arkitekturako Fakultatearen aurrean.
EHUn eraso sexista bat eman da!!!
— ARRAKALA (@arrakalataldea) October 22, 2021
Urriaren 4an Ibaetako Arkitektura fakultateko irakasle batek ikasleen aurkako eraso sexista bat burutu zuen, ikasleei zakila ateraz. Irakasleak normaltasun osoz klaseak ematen jarraitzen du.
UIB eta Arrakalatik eraso hau salatzen dugu!!! pic.twitter.com/4W0rXr3dGY